Սեմինար՝ նվիրված ArmTDP treebank նախագծին

22/03/2018

Սույն թվականի մարտի 22- ին ԳԱԱ Հ. Աճառյանի անվան լեզվի ինստիտուտում տեղի ունեցավ սեմինար-քննարկում՝ նվիրված «Արևելահայերենի շարահյուսական ծառերի շտեմարան» նախագծին (http://armtreebank.yerevann.com/): Նշենք, որ նախագիծն իրականացվում է ՀՕՖ «Գիտության և կրթության հայկական ազգային հիմնադրամի» (ANSEF) դրամաշնորհային ծրագրերի շրջանակում։
         ԳԱԱ լեզվի ինստիտուտը հյուրընկալել էր նախագծի կատարողներին: Զեկուցումով հանդես եկավ բ.գ.թ., դոցենտ Մարատ Յավրումյանը: Նա ներկայացրեց Universal Dependencies (UD) ստանդարտներին համապատասխան արևելահայերենի շարահյուսական կախումների ծառերի ArmTDP շտեմարանի (treebank) մշակման ընթացքը և առաջին արդյունքները։
Նշվեց, որ նախագծի իրականացման մեկ տարվա ընթացքում ստանդարտացվել և ձևայնացվել են հայերենում բառանջատման և նախադասությունների սահմանազատման չափանիշները, ավարտվել բառամթերքի խոսքիմասային բաժանման և ձևաբանական հատկանիշների պիտակավորման (POS tagging), ինչպես նաև նախադասությունների շարահյուսական ծանոթագրման համակարգի մշակման (parsing) աշխատանքները (http://universaldependencies.org/hy/)։
        Բանախոսը ներկայացրեց 10k բառանիշը գերազանցող կախվածության ծառերի նմուշային շտեմարանը, ինչպես նաև հայերենի լեզվական տվյալների նկարագրության որոշ առանձնահատկություններ, որոնք պայմանավորված են UD ստանդարտների տիպաբանական բնույթով։
        Սույն նախագիծն իրականցվում է «ԵրևանԷն» (YerevaNN - http://yerevann.com/) մեքենայական ուսուցման խնդիրներում մասնագիտացող հետազոտական լաբորատորիայի հետ սերտ համագործակցությամբ և շարունակական բնույթ է կրելու: Սույն թվականի ապրիլից CoNLL 2018 Shared Task-ի շրջանակում (http://universaldependencies.org/conll18/) ավելի քան 60 այլ լեզուների հետ մեկնարկելու են արևելահայերենի՝ որպես բնական լեզվի մշակման (natural language processing) UDPipe և/կամ Syntaxnet գործիքների ադապտացման աշխատանքները։
          Սեմինարը բավական հետաքրքիր էր և բովանդակալից: Ծավալվեց ակտիվ քննարկում, ինստիտուտի աշխատակիցները հանդես եկան առաջարկներով և դիտարկումներով, նախանշվեցին այն հիմնական ուղղությունները, որոնք կարող են օգտակար լինել շտեմարանի ընդլայնման գործում։
          Ամփոփելով ՀՀ ԳԱԱ լեզվի ինստիտուտի տնօրեն Վ. Կատվալյանը կարևորեց նմանօրինակ նախագծերի իրականացումը և ինստիտուտի համապատասխան բաժինների հետ ավելի սերտ համագործակցելու անհրաժեշտությունը։

Հայտարարություններ

Ուշադրությու՛ն

ՀՀ ԳԱԱ Հ․ Աճառյանի անվան լեզվի ինստիտուտի կիրառական լեզվաբանության բաժինը շարունակում է սեմինարների շարքը՝ նվիրված էլեկտրոնային պաշտոնական հաղորդակցման յուրահատկություններին և ժամանակակից տեխնոլոգիաներից օգտվելու եղանակներին։

Շարքի հերթական սեմինարը տեղի կունենա նոյեմբերի 20-ին ՀՀ ԳԱԱ լեզվի ինստիտուտի կիրառական...
«Շրջիկ ազատ դպրոց» բարեգործական նախագիծ

ՀՀ ԳԱԱ Հ. Աճառյանի անվան լեզվի ինստիտուտի երիտասարդ գիտնականների խորհրդի նախաձեռնությամբ մեկնարկում է բարեգործական նախագիծ՝ արցախյան բռնի տեղահանության արդյունքում տուժած մանկապատանեկան համայնքի համար:

ՀՀ ԳԱԱ Հ. Աճառյանի անվան լեզվի ինստիտուտի երիտասարդ գիտնականների խորհուրդը, գործակցելով ՀՀ ԳԱԱ...
ԳԻՏԱԺՈՂՈՎԻ ՀՐԱՎԵՐ

Հարգելի՛ բարեկամներ,

Սիրով հրավիրում ենք մասնակցելու «Հայոց լեզվի ուսումնասիրության և ուսուցման արդի խնդիրներ» խորագրով միջազգային գիտաժողովին:

✓ Գիտաժողովը տեղի կունենա ս.թ. փետրվարի 21-ին:

✓ Գիտաժողովի անցկացման վայրը` Երևան, Հայաստանի Հանրապետություն

✓ Գիտաժողովի...

Ատենախոսություններ